2012/03/19

تعالوا يالكويتيين يلي ايتحلطمون على زيادة الرواتب ...



يلي موعاجبتكم الزياده قولوا الحمدلله والشكر على النعمه الي احنا عايشينها وشوفوا الي حاوالينكم من الدول العربيه والاسلاميه واتعضوا ترا لفلوس موكل شي في هالدنيا اكفايه الامن والامان والصحه والعافيه الحمدلله موناقصنه شي عايشين احلا عيشه وناكل احلا الاكل ونسافر احسن الدير ونركب احلا السيايير شنو نبي بعد , بفهم انا وين عقلاء وحكماء البلد الوضع صاير يضق الخلق بالكويت بسبت المشاحنات والكره والحسد , حسبيا الله ونعم الوكيل في كل موظف مضرب يضر بمصلحة البلد والمواطنين والله مايجوز الي تسونه لو كل واحد فيكم يفكر في كل فلس يدخل بجيبه شلون الله يحاسبه والله ترا موزين باجر الله يخفس فينه اذا ماتخافون على روحكم خافوا على عيالكم والمستقبل شبيصير لنا.

علشان بس اعلمكم شلون انتوا منتوا حاسين بالناس الي حولكم دخلوا على هالروابط وقروا تعليقات الناس الي بس دروا ان الحكومة زيدة رواتبنه:




‏هناك 12 تعليقًا:

  1. اي والله كلامج 100% صحيح

    ما اعتقد ان في كويتي فقير

    و ما اعتقد في طفل كويتي واحد محروم

    صلوا ع النبي يا جماعة

    ردحذف
  2. حياج الله ناعمة الهمس في مدونتي

    اللهم صلي على سيدنا محمد وعلى ال سيدنا محمد

    ردحذف
  3. صاجة والله العظيم اني حاليا اشتغل مع مكتب مدخوله ولا شي ولا يقبل اغلب الي يتحلطمون يشتغلون فيه بس تطوعا اشتغلت لان المكتب يخدم الكويت ويخدم البيئة الكويتية وللأسف انا الكويتية الوحيدة فيه ولمن اشوف الي حولي يشتغلون ويكدون ادري ماراح يسوون هالشي لنفس هدفي بس مقدرين الفلس الي يطلع لهم من هالشغل .. واقول اعوذ بالله من الطمع والرغبة بالمزيد مثل ما يسوون الي حولنا .. والله ماراح يحسون بالنعمة لين يفقدونها وراح يفقدونها على ايدهم ..

    شيوخنا طيبيين حييل وخاصة شيخنا الحالي الله يحفظه وايد مدلع الناس بسالفة الزيادات وهم ماراح يعجبهم ... الحل بمتابعة الاسعار ومراقبة التجار فقط .. وعلى فكرة على كثر ما ياخذ الكويتي ماتلقينه يلبس ويكشخ ويشتري غالي نفس الي برا تلقينهم يلبسون احسن الماركات مع ان مدخولهم اقل منا بكثير واكثر ناس تحب تكاسر بشكل خيالي اهم الكويتيين

    ردحذف
  4. حياج الله طموحة مملوحة في مدونتي

    بارك الله فيج والله يكثر من امثالج والله يرزقج من غير ماتحتسبين

    انا عن نفسي والله اشتغل من غير ما انطر من الدوله اي شي يشهد علي ربي حبي حق هالارض وازيدج من الشعر بيت اني محرومه من مسماس الوظيفي لكن فوق كل هاذه اقول الحمدلله راتبي وايد زين

    ولي يتحلطمون ان نبي نفس قطر اساسا قطر مشالله تختلف عنه وبعدين شعبها اقل الله يبارك لهم ويهنيهم يارب والامارات ترا ماكو فرق بينه وبينهم لا قبل زيادتهم ولا الحين بعد زيادتنه ترا الفارق شي بسيط والله يهنيهم ويدوم عليهم النعه يارب

    احب ازيد على كلامج ان فعلا شيوخنه طيبين ((عبدالله السالم ابو الدستور الي حافظ على المواطن لكويتي من المهد الى اللحد , صباح السالم التطور والتنميه , الشيخ جابر الله يرحمه استثمارات خارجيه انفعتنه بالغزو الحمدلله وكفايه دمعته , سعد العبدالله كان رجل دوله والكل يهابه والكل يسمع كلمته)) الله يرحمهم يارب واليوم ابونا صباح من حكمنه وحنا بخير ونعمه خل يشوفون بس جم مرا عطانا فلوس والله عيب والله عيب

    وعلى قولتج لكويتي مايشبع بعكس مواطنين الخليج لو شنو يعطونهم يحمدون ربهم

    ردحذف
  5. اللي صاير

    الناس تفكر بأن حكومات الكويت ما تبي تشتغل ولاتنمية وبالمقابل حرمنه عن طريق المناقصات والإيداعات

    فعطونا أبرك من هاللعب

    هذا لسان حال الكثير (:

    ردحذف
  6. حياك الله اخوي بانادول في مدونتي بيتك ومكانك شرفتني

    والله صح كلامك مع الاسف

    ردحذف
  7. اختي الغالية ... اذا نبي نصير مثل قطر والامارات لازم نحلل دخول الخمور والبارات والتعري والرقص وتوفير شواطئ للعراة ... هالشي اذا حطوه بالكويت معاش الكويتي ممكن يصير مليون .. بس هل راح يسكتون ؟ راح يقولون عيب واحنا مسلمين ... زين الحين المبادئ الاسلامية ولا المادية ؟؟؟ اثنينهم ما يجتمعوون للأسف خاصة بدولة كلها شد وجذب مثل الكويت

    ردحذف
  8. أزيد على كلام بندول

    ان فعلا الكويتي تفكيره اهم خذت ماوقفت علينا احنا ... ناخذ مثل ما خذوا ... اهي خربت خل تخرب زيادة شراح تفرق ؟ هذول مو احسن منا .. محد فكر يعدل الاوضاع ويطالب بحفظ المال العام للاجيال القادمة ... احنا طماعييين حيييل وأنانيييين لأن نفكر بنفسنا ولا نفكر بعيالنا ومستقبلهم للاسف

    ردحذف
  9. غير معرف3/26/2012 7:50 ص

    وين مصادرك من قطر والإمارات ؟؟ ماشفناها

    ردحذف
  10. حياج مره ثانيه طموحة مملوحة

    موشرط الخمر والدعاره بس على الاقل شكل ديرتنه يكون افضل من جذي شوارعنه مكشفه قرعه بوق ونهب اشكره وغيرها من امور

    لكن انا اتكلم عن الرواتب الي بتفرقنه بسبت عناد ناس انانيه

    الله يصلح الحال يارب

    ردحذف
  11. اخ غير معروف حياك الله في مدونتي

    ليش احط مقارنه مع قطر والامارات ؟؟؟

    قطر بالعلالي الله يهنيهم ويرزقهم يارب

    لكن الامارات شي بسيط الفرق بينه وبينهم واحب انوه شغله ان ديرتهم اغلى منه وفوق هاذه احنا عندنه تمويل وعندنه جمعيات تعاونيه نستلم ارباح منها وبين فتره وفتره الحكومه لكويتييه ماتقصر يعطونه منه شنو نبي اكثر بعد من جذي

    انا راح احط لك الفرق بينه وبين رواتب الامارات بس علشان تعرفون ان ماكو الا شي بسيط

    ردحذف
  12. نقدر احنا كشعب نخلي ديرتنا حضارية جدا من دون ما ناخذ راي الاجانب بهالموضوع لانها اشياء بسيطة وعندنا من الكويتين من يملك خبرات بهالمجالات هذا اولا وثانيا ، روحي الاماكن الحضارية جدا في الامارات وقطر كلها اجانب ماكليت الديرة اكال وكل زميلاتي والي اعرفهم بالامارات متضايقين لأن شوي بتصير الدولة لهم مومرتاحين الحضارة بالنظافة والترتيب وحب الخير للاخرين والتطور بس مو بهالهبل هذا ... ومستحيل غربي يسوي شي لديرتج بدون ماياخذ فاهم ماخذين الاكو والماكو والمواطنين الفقارة يدفعون والاسعار نار هناك ... الحمدلله احنا احسن بوايد منهم بس محتاجين نتربى على شي اسمه (( الحمدلله على النعمة الي عندنا )) لأن الانسان اذا طمع واعترض على حكمة ربه ممكن يوصل لمستوى نازل جدا يتذكر فيه شكثر كان بنعمة وما حس فيها

    ردحذف